कृषि तथा वन विश्वविद्यालयको खेल मैदानमा भएको प्रतियोगिता निर्धारित समय गोलरहित बराबरिमा सकिएपछि २० मिनेट समय थप गरिएको थियो । थप समय पनि गोलरहित बराबरिमा सकिएपछि टाईब्रेकरको सहारा लिइएको हो ।टाईब्रेकरमा मनाङका कप्तान अनिल गुरुङ, विदेशी खेलाडीद्वय आदम बो सिसोको, बलो फिनिग्यु मउसा र सुजल श्रेष्ठले गोल गरे ।
आर्मीका लागि एकमात्र गोल जितेन्द्र कार्कीले गरेका थिए । गत माघ १६ गते पोखरामा सम्पन्न आहारारा गोल्डकपमा मनाङसँग पराजित भई उपविजेतामा चित्त बुझाएको आर्मीले हेटौँडामा पनि मनाङसँग बदला लिन सकेन ।
खेल अवधिभर गोल गर्ने केही राम्रा अवसर पाएपनि आर्मीले सदुपय गर्न नसकेको हो ।
प्रतियोगिताका सर्बोत्कृष्ट खेलाडी मनाङका विदेशी खेलाडी वलावाले ओफिज बने । उनले नगद ३० हजार रुपैयाँ प्राप्त गरे ।
प्रतियोगिताको बेष्ट गोलकिपर मनाङका किरण चेम्जोङ, बेष्ट डिफेण्डर आर्मीका तिजेन्द्र कार्की,बेष्ट मिड फिल्डर आर्मीका टंक बस्नेत र बेष्ट फरवार्ड मनाङकै अनिल गुरुङ घोषित भए ।
उनीहरुले जनही १० हजार रुपैयाँ नगद समेत प्राप्त गरे । बेष्ट टिम कोच मनाङका टिम कोच छिरिङ लोप्छाङ गुरुङ घोषित भए ।
प्रतियोगिता बिजेता मनाङ मस्र्याङ्दीले बिजयी हुँदै नगद तीन लाख रुपैयाँ सहित शिल्ड,मेडल र प्रमाणपत्र प्राप्त गरेको छ ।
आर्मीले उपबिजेतामा चित्त बुझाउँदै एक लाख ५० हजार रुपैयाँ नगद सहित शिल्ड,मेडल र प्रमाणपत्र प्राप्त गरे । बिजयी टिम तथा खेलाडीहरुलाई उपप्रधानमन्त्री सिपि मैनालीले शिल्ड प्रदान गरेका थिए ।
आर्मीले फाइनल खेलमा सागमा सहभागी भै उत्कृष्ट खेल प्रदर्शन गरेका नवयुग श्रेष्ठ र गोलरक्षक बिकेश कुथुलाई मैदानमा उतारे पनि उपाधि चुम्न भने सकेन ।
मनाङले पनि भारतमा भएको साग खेलमा सहभागी खेलाडीहरु बिराज महर्जन, बिशाल राई र बिक्रम लामालाई मैदानमा उतारेको थियो ।
हेटौँडामा पहिलो पटक आयोजना गरिएको अन्तराष्ट्रिय आमन्त्रण गोल्डकपमा मनाङ र आर्मीसहित सरस्वती क्लब, सहारा क्लब, भारत सिलिगुडिको कञ्चनजंघा क्लब, भुटानको भुटान क्लियरिङ फुटबल क्लब, घरेलु टोली एफसी हेटौँडा सहभागी थिए ।
annapurnapost
Post a Comment
EmoticonClick to see the code!
To insert emoticon you must added at least one space before the code.