नेपालीे फुटवल टोलीले साग गेममा उपाधि चुमेर स्वदेश फर्कदाको त्यो क्षणमा हजारौं नेपाली सडकमा उत्रेर खेलाडीहरुको खुशीमा साथ दिइरहँदा त्यही चोकमा फरक दृश्य पनि देखियो ।
पशुपतिनाथको मन्दिर हुँदै एक बृद्ध जोडी गौशाला चोक आइपुगे । मानिसहरुको ठूलो भीड देखेर उनीहरु पैसा माग्दै सडक किनारमा बसेकाहरुका अगाडी हात पसारे, जहाँ युवा युवतीहरु हातमा राष्ट्रिय भण्डा बोकेर नारा लगाउँदै थिए । तर कसैले पैसा दिएनन् । बृद्ध जोडी भिडबाट निरास हुँदै आफ्नो बाटो लागे ।
पूरै देश स्वर्ण पदकको खुसीमा झुमिरहँदा उनीहरुलाई भने त्यसले कुनै खुसी दिन सकेन । यी जोडी त प्रतिनिधि पात्र मात्र भए । यस्ता धेरै जनता छन्, जो अहिले देशको उपलब्धिमा खुसी बाँड्न सकिरहेका छैनन् । हामीले खेल जित्यौं तर यो गरिवी र अभावलाई कहिले जित्ने होला ? अनि कहिले आउँला त्यो दिन जब सबै जनता देशले जित्दा खुशी हुनेछन् ?
ratopati
Post a Comment