तराई मधेसमा तीन महिनादेखि जारी आन्दोलन समाधान गर्नको लागि प्रधामन्त्री केपी शर्मा ओली, कांग्रेस सभापति सुशील कोइराला र एमाओवादीका अध्यक्ष पुष्पकमल दाहाल ‘प्रचण्ड’ आन्तरिक गृह कार्यमा केन्द्रीत भएका छन् ।
संयुक्त लोकतान्त्रिक मधेसी मोर्चाले अगाडि सारेको ११ बुँदे मागका बारेमा छलफल गर्नको लागि पार्टी अध्यक्ष समेत रहेका प्रधानमन्त्री ओलीले स्थायी समितिको बैठक बोलाएका छन् ।
प्रधानमन्त्री निवास वालुवाटारमा बस्ने बैठकमा मधेसी मोर्चाले राखेको सीमाकंन लगायको विषयमा छलफल केन्द्रीत हुने एमाले कार्यालय सचिव कृष्णगोपाल श्रेष्ठले बताए ।
त्यसैगरी मोर्चाको माग सम्बन्धन गर्नको लागि एमाओवादीले दिउसो दुई बजेबाट केन्द्रीय समितिको बैठक बोलाएको छ । बाबुराम भट्टराईले पार्टी छोडेर गएपछि बस्न लागेको बैठकमा प्रचण्डले राजनीतिक प्रतिवेदन पेश गर्ने कार्यक्रम रहेको छ । बैठकको तयारीको लागि प्रचण्डले लाजिम्पाटमा स्थायी समितिका नेताहरुसंग आन्तरिक छलफल गरेका छन् ।
प्रमुख प्रतिपक्ष दल नेपाली कांग्रेसले पनि मधेसी मोर्चाले अगाडि सारेको ११ बुँदे प्रस्तावको बारमा धारणा बनाउनको लागि पदाधिकारीको बैठक बोलाएको छ । कोइराला निवास महारागन्जमा पदाधिकारी बैठक बस्न लागेको हो ।
sajhapatrika
Post a Comment