विमानस्थल भित्र खिचिएको तस्वीर भाइरल बन्यो
बिर्तामोड,फागुन ६ । झापाको भद्रपुर विमानस्थलको सुरक्षा व्यवस्थामा गम्भीर प्रश्न उठन थालेको छ । विमानस्थलमा परिचालित सुरक्षाकर्मी र प्रशासन पक्षले विमानस्थलमा जथाभावी फोटो तथा भिडियो खिच्न रोक लगाएको बताएपनि बुद्ध एयरलान्ससगै समुहगत तस्वीर खिचाएको एउटा फोटो सामाजिक सञ्जालमा भाइरल भएको छ । सामाजिक सञ्जालमा फोटो भाइरल भएपछि विमानस्थलको सुरक्षा व्यवस्थामा गम्भीर प्रश्न चिन्ह खडा भएको छ ।
त्यही तस्वीर सामाजिक सञ्जालमा भाइरल भएको छ । पत्रकारले फोटो तथा भिडियो खिच्ने क्रममा जिल्ला प्रहरी कार्यालय झापाका एसपी ठाकुरप्रसाद ज्ञवालीले पत्रकारलाई जथाभावी फोटो तथा भिडियो खिच्न रोक लगाएका थिए । विमानस्थल भित्रको फोटो बाहिर गएपछि झापाका सुरक्षाकर्मीलाई माथि तत्काल स्पष्टिकरण सहितको जवाफ दिनुपर्छ, ‘हाम्रो जागिर नै जान्छ, एसपी ज्ञवालीले पत्रकारलाई बताएका थिए । एसपी ज्ञवालीको जवाफ सुनेपछि पत्रकारले आफनो क्यामेरा बन्द गर्ने बाध्य भए र जथाभावी फोटो र भिडियो खिच्न बन्द गरेका थिए । विमानस्थलमा मन्त्री वा नेता आउदा विमानस्थल भित्रको भिआइपी कक्षसगै रहेको ढोका छेउको बाहिरी भागमा पत्रकारलाई फोटो तथा भिडियो खिच्न अनुमति दिदै आएको थियो त्यही अनुमति सम्झेर पत्रकारले फोटो तथा भिडियो खिच्न खोज्दा दिइएन् । उल्टै सुरक्षाकर्मी दुरव्यवहार गरेर निकालेका थिए ।
purbelinews
Post a Comment