मन्त्री शर्माले राजनीतिक आड र पहुँचको भरमा आकर्षक कार्यालय र मन्त्रालयमा बस्दै आएका कर्मचारीलाई फिर्ता पठाएर कानुनमार्फत झापड प्रहार गरेकी हुन् ।
मंगलबार सामान्य प्रशासन मन्त्रालयमा आयोजित पत्रकार सम्मेलनमा मन्त्री शर्माले आफूले पदभार ग्रहण गरेको तीन महिनामा पावरवाला ३१३ कर्मचारीलाई फिर्ता पठाएर दरबन्दी रहेको कार्यालयमा हाजिर गराएको जानकारी दिइन् ।उनका अनुसार अब ७१ जना कर्मचारी काज फिर्ता हुन बाँकी छन् । उनीहरुलाई पनि छिट्टै ठेगान लगाइने मन्त्री शर्माले बताइन् । पावर पैसाको खेलमा कर्मचारी काजमा जाने प्रचलनलाई देशबाटै निमिट्यान्न पार्ने उनको उद्घोष छ ।
यसैगरी मन्त्री शर्माले दोहोरो सुविधा गर्ने कार्य अन्तिम चरणमा पुगेको बताइन् । उनले भनिन्- ‘दोहोरो सुविधा लिएर राज्यको ढुकुटी सिध्याउनेको सपना अब पुरा हुन्न । अहिलेसम्म लिएको सबै कटौती हुन्छ ।’ दोहोरो सुविधा लिन नपाउने प्रावधानलाई कडाइका साथ कार्यान्वयन गर्ने उनले बताइन् ।
यसैगरी भीडभाड तथा जनसम्पर्क धेरै हुने सरकारी कार्यालयमा ड्रेसकोर्ड लागू गर्न निर्देशन दिइएको छ ।
dainiknepal
Post a Comment