भारतीय बोर्डबाट सिए अध्ययन गरेका उनले सिएको सबैभन्दा गाह्रो तह मानिने सिएको दोश्रो तह ‘आइपीसी’ मा पनि भारत भरमै पहिलो भएर अर्को ईतिहास रचेका छन् ।
परीक्षा दिएका झन्डै १८ लाख विद्यार्थीलाई पछी पार्दै उनी प्रथम भएका हुन् । नेपाली सिए क्षेत्रको ईतिहासमै पहिलो पटक उनले यस्तो सफलता हाँसिल गरेपछी अहिले नेपालमा मात्र होइन, उक्त परीक्षा संचालन भएका कतार, युएई लगायतका विभिन्न मुलुकमा पनि उनी र नेपालको चर्चा हुन थालेको छ । अहिले उनलाई बधाई दिनेको ताँतीनै छ । उनी रातारात ‘सेलीब्रेटी’ बनेका छन् ।
थुप्रै रेकर्ड तोडिए
प्रणवको सफलतासँगै नेपाली लेखा व्यवसाय र भारतीय सिए अध्ययन अध्यापन क्षेत्रमा थुप्रै रेकर्डहरु तोडिएका छन् । उनी भारतीय चार्टड एकाउन्टेन्सी बोर्डले संचालन गरेको सिएको पहिलो तहमा भारत भरमै प्रथम हुने पहिलो नेपाली हुन् भने सिएको दोश्रो तहमा भारत भरमै प्रथम हुने समेत पहिलो नेपाली हुन् । त्यति मात्र होइन सिएको पहिलो तहमा भारतभरमै प्रथम भएर दोश्रो तहमा पनि भारतभरमै प्रथम भएका पनि उनी पहिलो विद्यार्थी हुन् । भारतीय चार्टड एकाउन्टेन्सी बोर्डले ‘ओभर्सिज सेन्टर’ भन्दै नेपाल, युएई, कतार लगायत देशमा समेत परीक्षा संचालन गर्ने गरेकोमा’ ओभर्सिज सेन्टर’ बाट परीक्षा दिएका सबैलाई उछिन्दै प्रथम भएका उनी पहिलो व्यक्ति हुन् ।
को हुन प्रणव प्रतिक तुलस्यान ?
काठमाडौँको अरनिको बोर्डिङ्ग स्कुलबाट एसएलसी उतीर्ण गरेका प्रणवले काठमाडौँ मोडल कलेजबाट प्लस टु उतीर्ण गरेका हुन् । पुतलीसडकस्थित एकेडेमी अफ कमर्शमा कोचिङ् कक्षा पढेर भारतभरमै पहिलो भएका प्रणव हाल काठमाडौँमै बसोबास गर्छन् भने केहिसमयपछी सिएको तेश्रो तह अध्ययन तथा सिएमा गर्नुपर्ने तीन वर्षे तालिमका लागि भारत जादैछन् । सिएको पहिलो तहको कक्षा सुरु नगर्दै आफु भारतभरमै प्रथम बनी छाड्ने अठोट लिएका उनको सपना आखीरमा पूरा भएको उनी बताउँछन् ।
जे बोलेँ, त्यहिँ गरें
आफुले बोलेको कुरा पूरा गर्नु परीक्षाजस्तो विषयमा निकै गाह्रो कुरा हो । त्यसमा पनि सिएजस्तो गाह्रो बिषयमा ‘भारतभरमै प्रथम हुन्छु’ भनेर घोषणा गरी त्यसलाई पूरा गर्नु कम्ती चुनौतीपूर्ण थिएन । तर, प्रणवले त्यसलाई पूरा गरेका छन् । आफु सिएको पहिलो तहमा भारतभरमै प्रथम भएपछि उनले एक टेलिभिजन कार्यक्रममा दोश्रो तहमा पनि आफु भारतभरमै पहिलो हुने दावी गरेका थिए । उनको दावी टेलिभिजनबाट प्रशारण भएपछी विभिन्नखाले टिप्पणीहरु पनि आएका थिए । कतिपयले यस्तो आत्मविश्वास हुनु राम्रो नभएको समेत प्रतिक्रिया दिएका थिए । तर उनले जे बोले, त्यहि पूरा गरे ।
सफल हुन पहिला सपना देख्नुपर्छ
रातोपाटीसँग कुराकानी गर्दै प्रणव प्रतिक तुलास्यानले सफल हुन पहिला सपना देख्नु पर्ने बताएका छन् । ‘सपना नदेखी सफल हुन असम्भव छ । पहिला सपना देख्नुपर्छ अनि त्यसलाई पूरा गर्नतर्फ लाग्नुपर्छ ।’ जीवनको एउटा ठुलो र अरुले असम्भव मानेको आफ्नो सपना पूरा भएको बताउँदै उनी भन्छन्, ‘मेरो गुरु दीपक पाण्डेले मलाई सपना देख्न सिकाउनुभयो । र त्यसलाई पूरा गर्न पनि उहाँले नै सघाउनुभयो ।’
धेरै होइन ‘सटिक’ पढ्नुपर्छ
राटोपाटीसँग कुराकानी गर्दै प्रणवले परीक्षामा सफलता हाँसिल गर्न धेरै नभई सटिक पढ्नुपर्ने बताएका छन् । उनी भन्छन्, ‘धेरै पढ्ने होइन, पढेको कुरा चाहीं बुझेर अगाडी बढ्नुपर्छ ।’
सिएको परिक्षामा परिक्षा दिएका कुल ४ प्रतिशत मात्र उतिर्ण भएको स्मरण गर्दै उनले भने, ‘धेरै पढेर मात्र हुँदैन, पढेको कुरालाई बुझेर अगाडी बढ्नुपर्छ । धेरैको घोक्ने गलत बानी छ । घोक्ने भन्दापनि बुझ्नेतर्फ लाग्नुपर्छ ।’
७०० पूर्णाङ्कमा कुल ५४४ अंक ल्याएका प्रणवको लाब्धांक यस्तो छ
ratopati
Post a Comment