मधेसी मोर्चा र गठबन्धनले तीन दललाई मधेसमा कार्यक्रम गर्न निषेध गरे पनि कांग्रेस पर्साले वीरगंजमा शहिद दिवस मनाएको हो । नेपाली कांगे्रस नगर समितिको आयोजनामा भएको कार्यक्रममा नारायणी उपक्षेत्रीय अस्पतालमा रहेको थीरबम मल्लको शालिकमा माल्यार्पण गरी अस्पतालमा रहेका बिरामीलाई फलफूल बितरण गरिएको थियो ।शहिद दिवसका अवसरमा सांसद राजेन्द्रबहादुर अमात्यलगायतका कांग्रेसका नेता तथा कार्यकर्ताले वीरगन्जमा मोटरसाइकल र्याली निकाली गण्डक चोकमा रहेको शहिद तेजबहादुर अमात्यको शालिकमा माल्यार्पण गरेका थिए ।
यसैबीच मधेसी मोर्चाले भने नेपाली कांग्रेसले गरेको कार्यक्रमको बिरोध गरेको छ । गठबन्धनका युवाहरुले सालिकमा लगाइएका माला खोस्नुका साथै टायर बालेर नाराबाजी गरेका छन् ।
शहिद तेजबहादुर अमात्यको शालिक अगाडी बिरोध प्रदर्शन गर्दा प्रहरी र प्रदर्शनकारीबीच केहीबेर झडपसमेत भएको थियो । झडपका क्रममा केही प्रदर्शनकारी घाइते भएका छन् ।
imagekhabar
Post a Comment