भारतका विद्यार्थीले समेत अब उनको विरोध गर्न सुरु गरेका छन् । नाकाबन्दी गरेर नेपालको नजरमा ‘दूश्मन’ सावित भएका मोदीलाई भारतका विद्यार्थीले पनि ‘दूश्मन’ भन्दै माफी माग्न लगाउने निर्णयमा पुगेका छन् ।
उनीहरुले कुलपतिलाई एक पत्र लेख्दै मोदीले सन् २००८ मा यूनिवर्सिटीविरुद्ध बोलेको भन्दै विद्यालय प्रागंणमा पाइला राख्न नदिन माग गरेका हुन् । असद अशरफ र महताब आलम नामका विद्यार्थीहरुको दुई समुहका करिब एक सय जना विद्यार्थीले विद्यालय आउनुभन्दा पहिला सार्वजनिक माफी माग्नुपर्ने शर्त पनि अघि सारेका छन् ।
यद्यपी, यूनिवर्सिटीका प्रवक्ता मुकेश रञ्जनका अनुसार विश्वविद्यालयले मोदीलाई आमन्त्रण गरिसकेको छ । विद्यार्थीहरुले उक्त आमन्त्रण फिर्ता लिन माग गरेका हुन् । विद्यालयविरुद्ध मोदीसँगै उनका पार्टीका नेताहरुले पनि बोल्दै आएका छन् । गुजरातमा भएको दंगापछि मोदीले विद्यालयलाई झुटो आरोप लगाएका थिए ।
dainiknepal
Post a Comment