काठमाडाैं मंसिर १३ – मधेसी मोर्चाको जारी आन्दोलनका कारण बारा, पर्सा, रौतहट, धनुषा, महोत्तरी, सर्लाही, सप्तरी र सिरहामा गरी करिब १३ लाख विद्यार्थी प्रभावित बनेका छन् ।
मध्यमाञ्चल क्षेत्रीय शिक्षा निर्देशक कृष्ण काप्रीका अनुसार यी जिल्लाबाट झन्डै एक लाखको हाराहारीमा विद्यार्थी एसएलसी परीक्षामा सहभागी हुँदै छन् ।
तराईका आठ जिल्लाका सरोकारवालाले एसएलसी परीक्षा केही समय पछि सार्न सुझाब दिएका छन् । हालै महोत्तरीमा शिक्षामन्त्री गिरिराजमणि पोखरेलको उपस्थितिमा भएको शैक्षिक अन्तरक्रियामा धनुषा, महोत्तरी, सर्लाही, बारालगायतबाट उपस्थित शिक्षक संघ–संगठनका प्रतिनिधिले परीक्षा सार्न सुझाब दिएका हुन् ।
शिक्षामन्त्री गिरिराजमणि पोखरेलले एक वर्षको शैक्षिक क्षति हुन नदिने बताएका छन् । ‘युवाहरूको भविष्यसँग गाँसिएको शैक्षिक सत्र परिवर्तन हुँदैन, आन्तरिक रूपमा छलफल गरेर एसएलसीको विषयमा निर्णय हुन्छ,’ उनले भने ।
etajakhabar
Post a Comment