७ वर्षदेखि खानेकुरा नखाएर कुनै मानिस बाँच्न सक्ला ? सक्दैन । तर एकजना महिला भने ७ वर्षदेखि नखाइकन बाँचेकी छिन् र अब जिन्दगीभर उनले खानेकुरा खानैछैनिन् ।
बेलायतको बोल्टनमा रहेकी २५ वर्षकी निकोला निकोल्स नामकी महिलाले सन् २००८ देखि खानेकुरा खाएकै छैनिन् ।
सुरुमा डाक्टरहरुले उनमा इटिङ डिसअर्डर भनिने वंशाणुगत रोग भएको शंका गरेपछि पछि परीक्षण गर्दा उनमा ग्यास्ट्रोप्यारेसिस अर्थात् पेट र आन्द्राको प्यारालाइसिस भएको पाइयो ।
यो रोगले पेटका मांशपेशीहरुमा पक्षाघात बनाउछ र पेटमा कुनै खानेकुरा अड्न सक्दैन ।
मुखबाट कुनैपनि खानेकुरा खान नभएपछि उनलाई सुइमार्फत सिधै आवश्यक पोषक तत्व तथा ग्लुकोज दिने गरिएको छ ।
दुइ सन्तानकी आमा निकोला आफ्नो बिमारीका बाबजुत दुइ सन्तान पैदा गर्न सक्नु चमत्कार भएको र आफु आफ्ना सन्तानका कारण खुसी रहेको बताउँछिन् ।
सुइबाट दिइने पोषणयुक्त पदार्थ तथा ग्लुकोजले उनको कपाल र्झन थालेको छ । जसका कारण उनको पूरै तालु खुइलिएको छ र अरु भाग पनि मुडुलो बन्दैछ । उनको जिउ पनि निकै दुब्लो छ ।
Post a Comment