उनले आफू बुद्ध र पशुपति नाथको देशबाट आएको उल्लेख गर्दै त्यहाँका स्थानीय बासिन्दालाई ऋषिमूनीको देश नेपालको भ्रमण गर्न निम्ता पनि दिए ।
ओलीले आफ्नो जन्मदिनको दिन भारतीय प्रधानमन्त्री नरेन्द्र मोदी र उनकी आमाले शुभकामना दिएको उल्लेख गर्दै मोदीले मात्रै नभई मोदीको जन्मभूमि गुजरातमा समेत आफूलाई स्वागत भएकोमा खुसी व्यक्त गरे ।
आफ्नो भ्रमणले नेपाल–भारत सम्बन्ध नयाँ उचाईमा पुगेको उल्लेख गर्दै उनले भने, ‘नेपाल भारत सम्बन्ध गाढा छ, हरेक क्षेत्रमा छ, छुट्टीनै सकिदैन । अनुहार र भाषा पनि एउटै छ । मैले गुजरातमा नेपालीपन देखे ।’
उनले नेपालमा समावेशी संविधान जारी भएपछि अब विकास र पुनःनिर्माणको यूग सुरु भएको भन्दै भारतीय लगानीकर्ताहरुलाई नेपालमा लगानी गर्न आब्हान समेत गरे ।
प्रधानमन्त्रीले भुजमा रहँदा त्यहाँका जनताहरुलाई भेट्नुका साथै पुनःनिर्माण भएका घर घरमा गएर त्यसको अवलोकन गरेका थिए ।
kathmandutoday
Post a Comment